پاکستان اسٹاک مارکیٹ میں مندی
کاروباری سیشن کے دوران پاکستان اسٹاک مارکیٹ کے اہم ترین ہنڈریڈ انڈیکس میں 285 پوائنٹس کی کمی ہوئی، جس کے بعد انڈیکس 174 ہزار 144 پوائنٹس کی سطح پر آ گیا۔
معاشی ماہرین کا کہنا ہے کہ مارکیٹ میں اتار چڑھاؤ کی بڑی وجہ سرمایہ کاروں کی محتاط حکمت عملی اور موجودہ معاشی صورتحال سے متعلق غیر یقینی صورتحال ہے، سرمایہ کار ملکی معیشت، عالمی مالیاتی حالات اور مختلف معاشی فیصلوں پر گہری نظر رکھے ہوئے ہیں، جس کے باعث خرید و فروخت میں اتار چڑھاؤ دیکھا جا رہا ہے۔
دوسری جانب کرنسی مارکیٹ میں بھی امریکی ڈالر کی قیمت میں معمولی کمی سامنے آئی ہے، انٹر بینک مارکیٹ میں ڈالر ایک پیسہ سستا ہونے کے بعد 277 روپے 91 پیسے سے کم ہو کر 277 روپے 90 پیسے پر ٹریڈ کر رہا ہے۔
تجزیہ کاروں کے مطابق ڈالر کی قیمت میں معمولی کمی سے درآمدی اخراجات اور مہنگائی کے دباؤ پر محدود اثر پڑ سکتا ہے، تاہم روپے کی قدر میں بہتری کیلئے معاشی استحکام، برآمدات میں اضافہ اور غیر ملکی سرمایہ کاری کا فروغ ضروری ہے۔
یہ بھی پڑھیں:کراچی میں ٹماٹر کی قیمت 500 روپے فی کلو تک پہنچ گئی
واضح رہے کہ گزشتہ کچھ عرصے سے پاکستان کی اسٹاک مارکیٹ میں تیزی اور مندی کا ملا جلا رجحان دیکھا جا رہا ہے، جبکہ کرنسی مارکیٹ میں بھی ڈالر کی قدر میں معمولی تبدیلیاں جاری ہیں۔ سرمایہ کار آئندہ معاشی اعداد و شمار اور حکومتی پالیسیوں کے منتظر ہیں، جن کے اثرات مارکیٹ کی سمت پر پڑ سکتے ہیں۔
