گھی، کوکنگ آئل قیمتوں میں 15 روپے کلو تک اضافے کا خدشہ
رپورٹ کے مطابق پاکستان و ناسپتی مینوفیکچررز ایسوسی ایشن نے گھی اور کوکنگ آئل کی قیمتوں میں 15 روپے فی کلو تک اضافے کا خدشہ ظاہر کر دیا۔
پاکستان و ناسپتی مینوفیکچررز ایسوسی ایشن نے ملک بھر کے صارفین کو خبردار کیا ہے کہ وفاقی بجٹ میں سیلز ٹیکس کے طریقہ کار میں کی جانیوالی تبدیلیوں کے باعث گھی اور کوکنگ آئل کی قیمتوں میں 10 سے 15 روپے فی کلو گرام تک کا اضافہ ہو سکتا ہے۔
یہ بھی پڑھیں: پاکستان میں پیٹرول کتنے روپے سستا ہونے والا ہے ؟ اہم خبر
پی وی ایم اے کے چیئرمین عمر ریحان نے بجٹ پر تشویش کا اظہار کرتے ہوئے بتایا کہ فنانس بل میں تھرڈ شیڈول کے دائرہ کار کو بڑھا دیا گیا ہے، جس کے تحت اب ٹیکس کی وصولی زیادہ سے زیادہ ریٹیل پرائس کی بنیاد پر کی جائے گی۔
واضح رہے کہ گھی اور کوکنگ آئل ہر پاکستانی گھرانے کے کچن کی بنیادی ضرورت ہیں۔ غریب اور متوسط طبقہ پہلے ہی بجلی کے بھاری بلوں، پٹرولیم مصنوعات کی قیمتوں اور دیگر اشیائے خوردونوش کی مہنگائی سے نڈھال ہے۔ ایسے میں گھی اور آئل کی قیمتوں میں 15 روپے تک کا یہ ممکنہ اضافہ ان کے ماہانہ بجٹ کو مزید متاثر کرے گا۔
