ذرائع کے مطابق لیسکو میں اب نیٹ بلنگ پالیسی کے تحت سولر صارفین سے نئے معاہدے ہوں گے،نئی پالیسی کی کچھ شقوں کا اطلاق پرانے صارفین پر بھی ہو گا۔
لیسکو ذرائع کا بتانا ہے کہ نئی پالیسی کے تحت صارفین کے امپورٹ یونٹ کے بدلے ایکسپورٹ یونٹ کا نظام ختم کر دیا گیا ہے، پہلے سے نیٹ میٹرنگ کنکشنز کے حامل صارفین کو بھی بل بھجوانے جائیں گے۔
ذرائع کے مطابق پہلے سے نیٹ میٹرنگ کنکشنز کے حامل صارفین کے ایکسپورٹ یونٹ 25 روپے 32 پیسے اور امپورٹ یونٹس ٹیرف ریٹ کے تحت ہوں گے، یونٹ کا یونٹ سے تبادلہ ختم کر کے پیسوں کی کٹوتی کی جائے گی۔
یہ بھی پڑھیں: سولر صارفین کیلئے نیٹ بلنگ کا نیا نظام متعارف، بل کتنا آئیگا؟
لیسکو ذرائع نے بتایا ہے کہ نئے معاہدے کے تحت ایکسپورٹ یونٹ ریٹ تقریباً 8 روپے 13 پیسے ہو گا، نئے نیٹ بلنگ معاہدے 5 سال کے لیے کئے جائیں گے، پرانے صارفین کے سات سالہ معاہدے ختم ہونے کے بعد ان سے نئی پالیسی کے تحت معاہدے کیے جائیں گے۔
ذرائع کا اس حوالے سے مزید بتانا ہے کہ نئی نیٹ بلنگ پالیسی کے تحت ڈی جی کپیسٹی سے منظور شدہ لوڈ سے زائد ایکسپورٹ یونٹس بلنگ میں شامل نہیں ہوں گے۔
