سعودی عرب: فیکٹری میں آگ لگنے سے 16 بنگلہ دیشی مزدور جاں بحق
سعودی عرب: فیکٹری میں آگ لگنے سے 16 بنگلہ دیشی مزدور جاں بحق
ریاض:(ویب ڈیسک) سعودی عرب کے درالحکومت ریاض میں صوفہ بنانے والے فیکٹری میں خوفناک آتشزدگی کے نتیجے میں 16 بنگلہ دیشی مزدور جاں بحق ہوگئے۔
بنگلہ دیش کی وزارت مہاجرین کی بہبود اور اوورسیز ایمپلائمنٹ کے مطابق فائر سروس ڈیپارٹمنٹ نے ریاض کی ایک صوفہ فیکٹری میں آگ لگنے کی واقعے کی تصدیق کی ہے جس میں کم از کم 16 بنگلہ دیشی تارکین وطن جان کی بازی ہار گئے۔
وزارت کے مطابق جاں بحق ہونے والوں میں سے 10 کا تعلق بنگلہ دیش کے شمالی ضلع نو گاؤں سے تھا، جبکہ دیگر متاثرین نٹور اور راجشاہی اضلاع کے رہائشی تھے۔
یہ بھی پڑھیں: سعودی عرب کی آرامکو ریفائنری کے بعد ایک اور حملہ
بنگلہ دیش کے وزیر برائے تارکین وطن کی بہبود اور اوورسیز ایپلائمنٹ عارف الحق چودھری نے واقعے پر گہرے دکھ اور افسوس کا اظہار کرتے ہوئے کہا کہ روزگار کی تلاش میں سعودی عرب جانے والے ملازموں کی اس طرح المناک موت انتہائی دل دہلا دینے والی ہے۔
انہوں نے بتایا کہ سعودی عرب میں بنگلہ دیشی سفارتخانہ جائے حادثہ اور مقامی حکام سے مسلسل رابطے میں ہیں، متعلقہ اداروں کو جاں بحق مزدوروں کی میتیں جلد وطن واپس لانے کے ساتھ متاثرہ خاندانوں کو ضروری سرکاری امداد و معاوضہ فراہم کرنے کی ہدایت بھی کی گئی ہے۔
