خونریز حملے میں مالی کے وزیر دفاع ہلاک

رپورٹس کے مطابق وزیر دفاع سادیو کامارا دارالحکومت بماکو کے قریب ایک حملے میں مارے گئے۔

رپورٹس کے مطابق یہ حملہ ہفتے کے روز کاتی کے علاقے میں کیا گیا، جو بماکو سے تقریباً 15 کلومیٹر شمال میں واقع ایک اہم فوجی اڈا ہے۔

اطلاعات کے مطابق اس کارروائی کی ذمہ داری شدت پسند تنظیم جماعت نصرت الاسلام والمسلمین نے قبول کی، جس نے ایک طوارق باغی گروہ کے ساتھ مل کر مختلف علاقوں میں مربوط حملے کیے۔

مالی کی وزارت دفاع یا حکومتی ترجمان کی جانب سے ابھی تک وزیر دفاع کی ہلاکت کی باضابطہ تصدیق سامنے نہیں آئی، فوج کے جاری بیان میں کہا گیا ہے کہ ملک کے مختلف حصوں میں باغیوں کیخلاف آپریشن جاری ہیں۔

یہ بھی پڑھیں:شوٹر کا ایران جنگ سے کوئی تعلق نہیں، ڈونلڈ ٹرمپ

دوسری جانب اقوام متحدہ کے سیکریٹری جنرل نے ان حملوں پر شدید تشویش کا اظہار کرتے ہوئے مذمت کی ہے اور مغربی افریقہ کے ساحلی خطے میں دہشت گردی کیخلاف مؤثر عالمی اقدامات کی ضرورت پر زور دیا ہے۔