انسٹاگرام کی جانب سے پیش کیا گیا یہ نیا اے آئی فوٹو ٹو ویڈیو ٹول صارفین کے لیے مواد بنانے کے انداز کو تبدیل کر سکتا ہے۔ اس فیچر کے ذریعے سادہ تصاویر کو حرکت پذیر کلپس میں بدلا جا سکتا ہے جس سے عام تصاویر زیادہ دلکش اور متحرک نظر آتی ہیں۔
اس فیچر کو اے آئی ٹرانزیشن کہا جا رہا ہے جو صارفین کو تصاویر کے مجموعےکو ہموار موشن ایفیکٹس کے ساتھ اینیمیٹ کرنے میں مدد دیتا ہے۔ اس اپڈیٹ کے ذریعے صارفین بغیر کسی ایڈیٹنگ مہارت یا تھرڈ پارٹی ایپس کے ویڈیو جیسا کنٹینٹ بنا سکتے ہیں۔
اسے انسٹاگرام پر اے آئی سے چلنے والی تخلیقی صلاحیتوں کی جانب ایک بڑا قدم سمجھا جا رہا ہے۔
یہ بھی پڑھیں: کوٹے کے مطابق پیٹرول الاٹ کرنے کیلئے ایپ جاری کرنے کا فیصلہ
یہ نیا فیچر خاص طور پر کانٹینٹ کریئیٹرز، انفلوئنسرز اور عام صارفین کے لیے مفید ہوگا جو اپنی پوسٹس کو مزید پرکشش بنانا چاہتے ہیں۔ سوشل میڈیا پر ویڈیو کنٹینٹ کی بڑھتی ہوئی مقبولیت کے پیش نظر یہ فیچر صارفین کو آسانی سے اس رجحان کے مطابق مواد بنانے میں مدد دے گا۔
اس اپڈیٹ کے ذریعے صارفین کم محنت کے ساتھ مزید دلکش اسٹوریز اور ریلز بھی تیار کر سکیں گے۔
