مہنگائی کیخلاف ملک بھر کی شاہراہیں بند کرنے کا اعلان

لاہور میں پریس کانفرنس کرتے ہوئے امیر جماعت اسلامی حافظ نعیم الرحمان نے کہا کہ پیٹرولیم مصنوعات پر لیوی کا اوگرا سے کیا تعلق ہے؟ طالب علم کی آمدنی پر ٹیکس لاگو نہیں ہوتا، اس سے بھی پیٹرولیم لیوی لی جارہی ہے۔

حافظ نعیم الرحمان نے کہا کہ حکومت بھتا لیوی لگا رہی ہے، یہ جگا ٹیکس ہے، اسے کسی صورت قبول نہیں کیا جاسکتا، سب کو بتائیں گے کہ حکمران طبقہ کیسے عوام کے پیسوں پر ڈاکا ڈال رہا ہے، ہم سب سے رابطہ کریں گے اور سب کو ایک پیج پر لائیں گے۔

یہ بھی پڑھیں: ماضی کی طرح عمران خان سے بھی ڈیل ہی ہو گی: اعجاز الحق کا دعویٰ

انہوں نے کہا کہ جھوٹ بول کر عوام کی جیبوں پر ڈاکا ڈالا جا رہا ہے، لیوی سے اٹھارہ سو ارب روپے جمع کیے جا رہے ہیں، پیٹرول لیوی اور ناجائز ٹیکسز ختم کر دیے جائیں تو پیٹرول کی قیمت 200 روپے کم ہو جائے گی۔

حافظ نعیم کا کہنا تھا کہ 7 اگست کو پورے پاکستان کی شاہراہوں کو بند کریں گے، صرف ایمبولنس کو راستہ دیں گے۔