لیگی رہنما بی بی وڈیری کے بھائی اور عمران جاوید کے ماموں انتقال کر گئے

خاندانی ذرائع کے مطابق رہنما مسلم لیگ ن بی بی وڈیری کے بھائی حافظ ضیاء اللہ کا آج انتقال ہوا، ان کی نماز جنازہ ان کے آبائی علاقے چشتیاں میں بعد نماز مغرب جامعہ مظاہر العلوم شوگر مل روڈ نزد متیانہ ہسپتال ادا کی گئی۔

ذرائع کا بتانا ہے کہ نماز جنازہ میں سیاسی رہنماؤں، شہریوں، پارٹی کارکنان، رشتہ داروں  اور اہل علاقہ نے کثیر تعداد میں شرکت کی۔

لیگی ذرائع کے مطابق مختلف پارٹی رہنماؤں اور عوامی شخصیات نے بی بی وڈیری اور میاں عمران جاوید سے تعزیت کا اظہار کرتے ہوئے مرحوم کے درجات کی بلندی کے لیے دعا کی۔

یہ بھی پڑھیں: معروف ماہرِ معاشیات ڈاکٹر محمد عمر چھاپرا انتقال کر گئے

واضح رہے کہ میاں عمران جاوید لاہور کے حلقہ پی پی 163 سے رکن صوبائی اسمبلی ہیں جبکہ ان کی والدہ بی بی وڈیری خواتین کی مخصوص نشستوں پر پنجاب اسمبلی کی رکن منتخب ہوئی ہیں۔