پشاور زلمی کے چیئرمین جاوید آفریدی نے سماجی رابطے کی ویب سائٹ ایکس (سابقہ ٹوئٹر) پر ایک پیغام میں کہا کہ اپنے فضاؤں کے محافظ بہادر ہیروز کے لئے 5 کروڑ روپے انعام کا اعلان کرتے ہوئے فخر محسوس کر رہا ہوں۔ انہوں نے مزید کہا کہ ان ہیروز کا بے مثال حوصلہ، عزم اور قربانی پوری قوم کے لیے باعثِ فخر ہے اور آج ہم انہیں صرف الفاظ میں نہیں بلکہ عملی طور پر بھی سلام پیش کرتے ہیں۔
With utmost pride and gratitude, Zalmi Foundation is honored to announce a tribute of PKR 50 million to the brave heroes who guard our skies.
— Zalmi Foundation (@FoundationZalmi) May 11, 2025
Their unwavering courage, dedication, and sacrifice inspire a nation and today, we salute them not just in words, but in action.#Zalmi… pic.twitter.com/jOm8avXl0G
جاوید آفریدی کے اس اعلان کو عوامی، عسکری اور سماجی حلقوں میں بے حد سراہا جا رہا ہے، اور اسے قومی یکجہتی اور حب الوطنی کا عملی مظاہرہ قرار دیا جا رہا ہے۔
پشاور زلمی کی جانب سے دیا گیا یہ انعام نہ صرف ایک قومی جذبے کی علامت ہے بلکہ اس بات کا پیغام بھی ہے کہ پاکستان کی تمام ریاستی اور غیر ریاستی قوتیں، خصوصاً نوجوان نسل، قومی دفاع اور خودمختاری کے لیے متحد اور پُرعزم ہیں۔ یہ اقدام اس امر کا بھی ثبوت ہے کہ کھیل، سماجی خدمت، اور قومی وقار کا آپس میں گہرا تعلق ہے اور جب بھی پاکستان کو کسی چیلنج کا سامنا ہو، پوری قوم ایک صف میں کھڑی ہو جاتی ہے۔
واضح رہے کہ بھارت نے 6 اور 7 مئی کی درمیانی شب"آپریشن سندور" کے نام پر پاکستان پر حملے کی کوشش کی، جس میں پہلگام حملے کا الزام پاکستان پر دھر کر خطے کو جنگ کی آگ میں جھونکنے کی مذموم کوشش کی گئی۔ تاہم، پاکستان نے 10 مئی کو "آپریشن بُنْيَانٌ مَّرْصُوْصٌ" کے ذریعے دشمن کو منہ توڑ جواب دیا، جس کے نتیجے میں پاکستان نے بھارت کے پانچ جنگی طیارے مار گرائے۔
