اداکارہ میرا کا گھریلو ملازمہ پر تشدد، ویڈیو سوشل میڈیا پر وائرل
لاہور میں معروف اداکارہ میرا کی جانب سے مبینہ طور پر اپنی ملازمہ پر تشدد کی سی سی ٹی وی فوٹیج سامنے آگئی، ویڈیو میں اداکارہ کو ملازمہ کو دھکے دیتے اور تھپڑ مارتے دیکھا جاسکتا ہے۔
متاثرہ گھریلو ملازمہ نے میڈیا اور سوشل میڈیا پر جاری اپنے بیان میں مؤقف اختیار کیا ہے کہ اداکارہ میرا مبینہ طور پر روزمرہ امور کے دوران اس پر شدید تشدد کرتی رہی ہیں۔
لاہور: معروف اداکارہ میرا نے ملازمہ کو تشدد کا نشانہ بنا ڈالا ..سی سی ٹی وی سامنے آ گئی ،فوٹیج میں اداکارہ کو ملازمہ کو دھکے اور تھپڑ مارتے دیکھا جا سکتا ہے pic.twitter.com/BBTkeptfth
— Ali Tanoli (@alitanoli889) August 18, 2026
یہ بھی پڑھیں: عمران اشرف کے انتقال کی خبر جعلی نکلی، اداکار نے خود تردید کردی
ملازمہ نے اربابِ اختیار اور متعلقہ قانون نافذ کرنے والے اداروں سے واقعے کا فوری نوٹس لینے اور انصاف کی فراہمی کا مطالبہ کیا ہے۔
دوسری جانب مبینہ تشدد سے متعلق مزید ویڈیوز بھی سامنے آئی ہیں، جو سوشل میڈیا پر وائرل ہوگئی ہیں۔ ویڈیوز سامنے آنے کے بعد صارفین اور سول سوسائٹی کی جانب سے واقعے کی شفاف تحقیقات کا مطالبہ کیا جارہا ہے۔
واقعے کے حوالے سے اداکارہ میرا کا مؤقف تاحال سامنے نہیں آیا۔
