مشہور اداکارہ 35 برس کی عمر میں چل بسی
اننیا راج کے اہلخانہ نے 16 اگست کو ان کے انتقال کی تصدیق کرتے ہوئے بتایا کہ اداکارہ 15 جولائی کی صبح نیند کے دوران پُرسکون انداز میں دنیا سے رخصت ہوئیں۔ خاندان کی جانب سے ان کی آخری رسومات کی تصاویر بھی اننیا کے آفیشل انسٹاگرام اکاؤنٹ پر جاری کی گئیں۔
اننیا راج نے ہندی فلموں کے علاوہ علاقائی سنیما اور میوزک ویڈیوز میں بھی کام کیا تھا۔ اگرچہ ان کے کریڈٹ پر فلموں کی تعداد زیادہ نہیں، تاہم ’7 آورز ٹو گو‘، ’دی فائنل ایگزٹ‘ اور ’گھوسٹ‘ میں ان کی اداکاری نے انہیں ناظرین میں شناخت دلائی۔
یہ بھی پڑھیں: معروف اداکارہ رِدھیکا رِدھی کی گھر سے لاش برآمد
اداکارہ کی موت کی اصل وجہ تاحال سامنے نہیں آسکی۔ اہلخانہ کے مطابق اننیا ایک سال سے زائد عرصے سے جسمانی اور ذہنی تکالیف کا سامنا کر رہی تھیں اور انہوں نے ان مشکلات پر قابو پانے کے لیے بھرپور جدوجہد کی۔ تاہم خاندان نے کسی مخصوص بیماری، طبی عارضے یا تشخیص کی تفصیلات فراہم نہیں کیں، اس لیے ان کی موت کی حتمی وجہ کے بارے میں کوئی مصدقہ معلومات موجود نہیں۔
