عامر خان کی تیسری شادی کی تاریخ سامنے آگئی
بھارتی میڈیا رپورٹس کے مطابق 61 سالہ اداکار آئندہ ماہ اپنی مبینہ گرل فرینڈ گوری سپراٹ کے ساتھ شادی کے بندھن میں بندھنے والے ہیں۔
رپورٹس کے مطابق عامر خان اور گوری سپراٹ کی شادی کی تقریب انتہائی سادہ اور نجی نوعیت کی ہوگی۔ اس شادی میں صرف قریبی اہل خانہ اور چند خاص دوستوں کو مدعو کیے جانے کا امکان ہے، تقریب کو میڈیا اور بڑی عوامی توجہ سے دور رکھنے کا فیصلہ کیا گیا ہے۔
بھارتی میڈیا کا کہنا ہے کہ یہ شادی 5 جولائی کو متوقع ہے، امکان ظاہر کیا جا رہا ہے کہ یہ یا تو کورٹ میرج ہوگی یا پھر گھر پر سادگی سے قانونی دستخط کے ذریعے اس رشتے کو باضابطہ شکل دی جائے گی، دونوں خاندان اس فیصلے سے مطمئن ہیں اور جلد رسمی اعلان بھی کیا جا سکتا ہے۔
یاد رہے کہ یہ عامر خان کی تیسری شادی ہوگی، اس سے قبل انہوں نے 1986 میں رینا دتہ سے شادی کی تھی جو 2002 میں طلاق پر ختم ہوئی۔ اس شادی سے ان کے دو بچے ہیں جنید خان اور آئرا خان، بعد ازاں عامر خان نے کرن راؤ سے شادی کی تھی جو بعد میں علیحدگی پر ختم ہوگئی۔
یہ بھی پڑھیں:معروف انفلوئنسر کی گھر سے لاش برآمد، قتل کا شبہ
عامر خان کی نئی شادی کی خبر سامنے آنے کے بعد بھارتی فلم انڈسٹری اور مداحوں میں دلچسپی بڑھ گئی ہے اور سوشل میڈیا پر اس حوالے سے مختلف ردعمل سامنے آ رہے ہیں۔
