اداکارہ نمرہ خان دوسری بار رشتہ ازدواج میں منسلک

حال ہی میں اداکارہ نمرہ خان نے فوٹو اینڈ ویڈیو شیئرنگ ایپ انسٹاگرام پر مداحوں کو اپنی دوسری شادی کے حوالے سے آگاہ کیا جس پر شوبز شخصیات اور ان کے مداحوں کی جانب سے مبارکبادوں کا سلسلہ شروع ہو گیا۔

نمرہ خان کی جانب سے شیئر کی گئی تصاویر میں انہوں نے شوہر کا چہرہ ظاہر نہیں کیا۔

تصویر کے کیپشن میں اداکارہ نے لکھا کہ یہ کہانی اللہ تعالیٰ نے ہماری ملاقات سے بہت پہلے لکھ دی تھی، آج اس کا آغاز ہے اور بہت کچھ ابھی باقی ہے، یہ ایک خوبصورت شروعات ہے جو اللہ کی برکت سے ہوئی ہے۔

علاوہ ازیں اداکارہ نے اپنی ایک اور پوسٹ میں کچھ تصاویر شیئر کیں اور کیپشن میں بتایا کہ وہ رشتہ ازدواج میں منسلک ہو گئی ہیں۔

اس کے علاوہ اپنے انسٹاگرام کے بائیو پر انہوں نے 'الحمداللہ میریڈ' لکھا ہوا ہے۔

واضح رہے کہ نمرہ خان کی یہ دوسری شادی ہے، اس سے قبل وہ 2020 میں راجہ افتخار سے شادی کے بندھن میں بندھی تھیں تاہم یہ رشتہ زیادہ دیر نہ چل سکا اور دونوں نے شادی کے چند ماہ بعد ایک دوسرے سے علیحدگی اختیار کر لی تھی۔