ڈیموکریٹک سینیٹ لیڈر چک شومر نے شدید تنقید کرتے ہوئے کہا کہ امریکی صدر ڈونلڈ ٹرمپ شدید ذہنی مریض ہیں۔
ڈیموکریٹک ہاؤس لیڈر حاکیم جیفریز نے کہا کہ کانگریس فوری طورپر ایران جنگ کو بند کرائے کہیں ایسا نہ ہو صدر ٹرمپ امریکا کو تیسری عالمی جنگ میں دھکیل دیں،یہ ہر ری پبلکن کا فرض ہے کہ قومی فریضہ ادا کرتے ہوئے اس پاگل پن کو روکیں۔
کانگریس مین جیسن کرو کا کہنا تھا کہ تہذیب کو ختم کرنے کی دھمکی جنگی جرم ہے ، امریکی فوج صرف آئین کی پابند ہے ، فوج ٹرمپ کا غیر آئینی حکم ماننے سے انکار کردے۔
کانگریس مین جم میکگوورن نے کہا کہ ایران کو ختم کرنے کی دھمکی خالصتاً برائی ہے ، صدر ٹرمپ کی نسل کشی کی دھمکی امریکی اور عالمی قوانین کی خلاف ورزی ہے۔
یہ بھی پڑھیں: وائٹ ہاؤس کی ایران پر ایٹمی ہتھیاروں کے استعمال کی تردید
واضح رہے کہ امریکی صدر ڈونلڈ ٹرمپ نے تہران کو دھمکی آمیز پیغام دیتے ہوئے کہا تھا کہ آج رات ایک پوری تہذیب کو ختم کردیا جائے گا۔
امریکی صدر ڈونلڈر ٹرمپ کا کہنا تھا کہ آج رات پوری تہذیب کو ایسے دفن کیا جائے گا کہ دوبارہ جنم نہیں لے سکے گی،میں نہیں چاہتا کہ ایسا ہو لیکن ایسا ضرور ہو گا۔
دوسری جانب ایران کے عوام اور بجلی گھروں کو تباہ کرنے کی امریکی صدر ڈونلڈ ٹرمپ کی دھمکیوں پر ایرانی سپریم لیڈر مجتبیٰ خامنہ نے ردعمل میں کہا تھا کہ جنگی مجرموں کا دھمکیوں، تباہی کا شور بڑھانا ان کی بوکھلاہٹ ہے۔
