ذرائع کے مطابق، یہ پابندی قانونی معاملات کی بنیاد پر لگائی گئی ہے، جس کے باعث ان کی بین الاقوامی کرکٹ میں واپسی غیر یقینی صورتِ حال سے دوچار ہوگئی ہے۔ شکیب الحسن نے حال ہی میں اپنی بولنگ ایکشن کی جانچ میں کامیابی حاصل کی تھی، مگر ان کے مستقبل کے حوالے سے سوالات جنم لے رہے ہیں۔

یہ بھی پڑھیں: نسیم شاہ کی قومی ٹیم میں شمولیت پر سوال اٹھ گیا

بنگلادیش کرکٹ بورڈ (بی سی بی) کا کہنا ہے کہ شکیب الحسن کی ٹیم میں شمولیت کو خارج از امکان قرار نہیں دے رہے، تاہم جب تک یہ قانونی مسائل حل نہیں ہوتے، وہ قومی اسکواڈ کا حصہ نہیں بن سکیں گے۔

کرکٹ ماہرین کا کہنا ہے کہ شکیب الحسن کی عدم موجودگی ٹیم کی مجموعی کارکردگی پر گہرا اثر ڈال سکتی ہے۔ وہ ایک تجربہ کار کھلاڑی ہیں اور بنگلہ دیشی ٹیم کی کئی تاریخی فتوحات میں مرکزی کردار ادا کر چکے ہیں۔

یہ معاملہ کرکٹ شائقین کے لیے بے حد تشویش کا باعث بن چکا ہے۔ مداح اور ماہرین اس پیش رفت پر گہری نظر رکھے ہوئے ہیں، اور توقع کی جا رہی ہے کہ آئندہ چند روز میں مزید تفصیلات سامنے آئیں گی۔