یہ فیصلہ ایل این جی کی درآمد بند ہونے کے باعث کیا گیا ہے تاکہ صارفین کو افطار اور سحری کے دوران گیس کی بہتر سہولت فراہم کی جا سکے۔

ذرائع کا کہنا ہے کہ کمپنی نے گزشتہ سال کے گیس شیڈول کو دوبارہ نافذ کرنے کا فیصلہ کیا ہے، نئے شیڈول کے مطابق افطار کے اوقات میں گیس دوپہر 3 بجے سے لے کر رات ساڑھے 9 بجے تک دستیاب رہے گی، جبکہ سحری کے اوقات میں گیس صبح 3 بجے سے لے کر 9 بجے تک فراہم کی جائے گی۔

سوئی سدرن کے ذرائع نے بتایا کہ رمضان کے دوران تبدیلی شدہ شیڈول سے صارفین کو باورچی خانے میں کام کرنے میں سہولت ملے گی اور گیس کی کمی سے پیدا ہونے والی مشکلات کم ہوں گی۔

انہوں نے مزید کہا کہ تبدیل شدہ شیڈول کا باقاعدہ اعلان جلد عوام کے سامنے کیا جائے گا تاکہ صارفین پہلے سے اپنے اوقات کے مطابق تیاری کر سکیں۔

ماہرین کا کہنا ہے کہ رمضان میں گیس کی فراہمی میں یہ اقدام صارفین کیلئے سہولت کا باعث ہوگا، خاص طور پر افطار اور سحری کے اوقات میں جہاں کھانا پکانے کیلئے زیادہ گیس کی ضرورت ہوتی ہے۔

یہ بھی پڑھیں:عید الفطر 2026: نئے کرنسی نوٹ کیسے حاصل کریں؟

صارفین سے اپیل کی گئی ہے کہ وہ شیڈول کے مطابق گیس کے استعمال میں احتیاط برتیں تاکہ کسی بھی قسم کی غیر ضروری کمی یا خلل سے بچا جا سکے۔

یہ تبدیلی اس سال کی رمضان میں صارفین کیلئے آسانی پیدا کرے گی اور ایل این جی کی محدود فراہمی کے دوران گیس کے بہتر انتظام کو یقینی بنائے گی۔