بلیو ورلڈ سٹی لاہور نے باضابطہ طور پر تفریحی اور خاندانی نوعیت کے پروگرامز کا آغاز کیا ہے جس میں لاہور میں پہلی مرتبہ ہاٹ ایئر بیلون رائیڈز شامل کی گئی ہیں، اس منفرد اقدام نے عوام کی بڑی تعداد کو اپنی جانب متوجہ کیا ہے اور شہریوں کو محفوظ، خوشگوار اور یادگار تفریحی تجربہ فراہم کیا جا رہا ہے۔
منتظمین کے مطابق، آج اور کل خاندانوں کے لیے ہاٹ ایئر بیلون رائیڈز اور گھڑ سواری بالکل مفت فراہم کی جا رہی ہیں تاکہ لوگ بغیر کسی خرچ کے معیاری تفریح سے لطف اندوز ہو سکیں، اس اقدام کا مقصد صحت مند تفریح کو فروغ دینا اور خاندانی روابط کو مضبوط بنانا ہے۔
اس کے علاوہ پتنگ بازی، فوڈ اسٹالز اور مختلف تفریحی سرگرمیوں کا بھی اہتمام کیا گیا ہے، بچوں کے لیے جمپنگ کیسلز، فیس پینٹنگ اور لائیو میوزک پرفارمنسز خاص طور پر توجہ کا مرکز بنی ہوئی ہیں جس سے یہ ایونٹ ہر عمر کے افراد کے لیے ایک مکمل تفریحی پیکج بن گیا ہے۔
یہ بھی پڑھیں: عید پر نئے کرنسی نوٹ ملیں گے یا نہیں؟
حکام کا کہنا ہے کہ بلیو ورلڈ سٹی لاہور کو جشن، رنگوں، خوشی اور تفریح کا مرکز بنا دیا گیا ہے جہاں ہزاروں شہری اس ایونٹ میں شرکت کے لیے پہنچ رہے ہیں، اس تقریب کو لاہور میں موجودہ بہترین خاندانی تفریحی مواقع میں سے ایک قرار دیا جا رہا ہے۔
منتظمین نے اس بات پر زور دیا کہ سیکیورٹی، ہجوم کے نظم و نسق اور خاندانی ماحول کو یقینی بنانے کے لیے خصوصی انتظامات کیے گئے ہیں جو شہر میں کم ہی دیکھنے کو ملتے ہیں، شہریوں نے اس اقدام کو سراہتے ہوئے اسے لاہور کی تفریحی دنیا میں ایک خوش آئند اضافہ قرار دیا ہے۔
