عدالت نے کیس کی سماعت کے دوران بشریٰ بی بی کو شامل تفتیش ہونے کی ہدایت بھی کی۔

کیس کی سماعت انسداد دہشتگردی عدالت کے جج ابو الحسنات ذوالقرنین نے کی، جہاں بشریٰ بی بی کے وکیل انصر کیانی اور شمسہ کیانی ایڈوکیٹ نے بشریٰ بی بی کی حاضری سے استثنیٰ کی درخواست دائر کی۔

پی ٹی آئی کا مولانا فضل الرحمان سے مذاکرات جاری رکھنے کا فیصلہ

درخواست میں موقف اختیار کیا گیا کہ بشریٰ بی بی کی حاضری میں مشکلات پیش آ رہی ہیں، جس پر عدالت نے درخواست منظور کرتے ہوئے سماعت 11 جون تک ملتوی کر دی۔

واضح رہے کہ بشریٰ بی بی کیخلاف تھانہ سیکرٹریٹ اور کراچی کمپنی میں 26 نومبر کے احتجاج کے حوالے سے 2 مقدمات درج ہیں۔ ان مقدمات میں بشریٰ بی بی پر مختلف الزامات عائد کیے گئے ہیں، تاہم ان کی ضمانت میں مزید توسیع کی گئی ہے۔